Pas një pritjeje të gjatë për kalimin e presidencës nga Massimo Moratti te Erick Thohir, Inter
mund të shndërrohet në kryefjalën e merkatos së janarit. Skuadra e
Walter Mazzarrit po bën një kampionat shumë të mirë, megjithëse dyshimet
në fillim të sezonit ishin shumë të mëdha, por ish tekniku i Napolit
pret dhurata nga manjati indonezian.Thohir ndodhet tashmë në Milano ku po njihet nga afër meambjentin zikaltër dhe po piketon goditjet e para në merkato.
Drejtori Sportiv Piero Ausilio ka shkuar me mision në Angli ku do të tentojë të bindë disa preh futbollistëve të Premier League-s dhe ku ëndrra e madhe mbeten Dzeko dhe Kolarov të Manchester City-t.
Sipas asaj që shkruan "Calciomercato", 11 janë emrat që qarkullojnë në axhendën e drejtuesve zikaltër, ndërsa 4 futbollistë aktualë duken shumë pranë largimit.
